Ay Kaash Milain Aisey okat madiny men
hum bhejen darood unpar din rat madiny men
jali k kareeb hokar takty thy usy ro kar
ankhon men rahi mery barsat madiny men
jo arzo thi dil men, jo soch k aye thy
hoti hi nahi humsy vo bat madiny men
vo din bhi kabhi ayen, hum sary vahan jayen
ye natt parhen milkar ik sath madiny men
lagti hi nahi basti ye dosry shehron si
dunia sy niraly hen halat madiny men
Allah ki rehmat ka, har chez py saya hy
janat ki vo bat-ti hy soghat madiny men
Ay Kaash Milain Aisey okat madiny men
hum bhejen darood unpar din rat madiny men